Gənclər Fondunun “Səyyar Gənclər Xidməti” layihəsi çərçivəsində növbəti fəaliyyətlər Lerik rayonunda təşkil olunub.
Layihənin açılış mərasimində keçirilən rəsmi çıxışlar zamanı region gənclərinin şəxsi inkişafının dəstəklənməsi, onların bilik və bacarıqlarının artırılması, asudə vaxtlarının səmərəli təşkili, eləcə də gənclər üçün yaradılan imkanların əhəmiyyəti vurğulanıb.
“Gənclərlə, gənclər üçün” şüarı ilə həyata keçirilən “Səyyar Gənclər Xidməti” çərçivəsində Lerik gənclərinə müxtəlif xidmət və imkanlar təqdim olunub. Gənclər layihə çərçivəsində yaradılan imkanlarla tanış olub, onların inkişafına və yeni biliklər əldə etməsinə yönələn müxtəlif fəaliyyətlərdə iştirak ediblər.
Fəaliyyətlər zamanı gənclər üçün maarifləndirici və interaktiv proqramlar təşkil olunub, onların asudə vaxtlarının səmərəli keçirilməsi üçün müxtəlif imkanlar yaradılıb. Layihə çərçivəsində gənclərin yeni bilik və bacarıqlar qazanmasına, müxtəlif istiqamətlər üzrə məlumatlandırılmasına və mövcud imkanlardan faydalanmasına şərait yaradılıb.
“Səyyar Gənclər Xidməti” layihəsinin əsas məqsədlərindən biri regionlarda yaşayan gənclərin müxtəlif xidmət və imkanlara çıxışını genişləndirmək, onların şəxsi və sosial inkişafına dəstək olmaq, eləcə də gənclərin asudə vaxtlarının səmərəli təşkilinə töhfə verməkdir.
Lerikdə keçirilən fəaliyyətlər də region gənclərinin fəal iştirakını təmin etməklə onların inkişafına yönələn imkanlarla daha yaxından tanış olmalarına şərait yaradıb.
