İlk olaraq UNEC-in Zaqatala filialının rektoru Raqif Qasımov, Gənclərin İnkişaf və Karyera Mərkəzinin regional nümayəndəliklərlə iş şöbəsinin əməkdaşı Mətanət Xəlilova, Şəki-Zaqatala regional nümayəndəliyinin koordinatoru Şahin Qarakişiyev, UNEC-in Zaqatala filialının Tələbə Gənclər Təşkilatının sədri Nəzrin Allahverdiyeva çıxış edib.
Daha sonra informasiya texnologiyaları və biznesin idarə edilməsi sahələri üzrə panel müzakirə başlayıb. “Müasir dövrdə karyerasını idarəetmə və İT sahəsində qurmaq istəyən gənclər üçün lazım olan bilik və bacarıqlar” mövzusu üzrə spiker qismində Paşa Bankın Zaqatala Filalının müdiri Şahin Nuriyev, Azərbaycan Fındıq İstehsalçıları və İxracatçıları Assosisiyasının sədri, “AHEC” MMC-nin təsisçisi İsmayıl Orucov və Veb developer, IT mütəxəssis Abid Ağayev çıxış edib, gənclərin sualları cavablandırılıb.