Qubada gənclər üçün infosessiya təşkil olunub.
Məqsədi gənclərin hüquqi biliklərinin artırılması olan “Gənclər üçün hüquqi savadlılıq” layihəsi çərçivəsində Quba rayon Vəkil Bürosunun müdiri İbrahim Aqamov ADPU-nun Quba filialında təhsil alan gənclərə hüquqlar və vəzifələr haqqında ətraflı məlumat verib, onları maraqlandıran sualları cavablandırıb.
Layihə Azərbaycan Respublikasının Gənclər Fondu, Azərbaycan Respublikasının Vəkillər Kollegiyası və Gənclərin İnkişaf və Karyera Mərkəzi tərəfindən təşkil edilib.