“Yay Təcrübə Proqramı” iştirakçıları arasında Breyn-rinq formatında intellektual yarış təşkil olunub.
Yarış zamanı iştirakçılar dünyagörüşü, məntiq, blitz və risk sualları üzrə mübarizə apararaq bilik və məntiqi düşünmə bacarıqlarını nümayiş etdiriblər. Dinamik və rəqabətli şəraitdə keçirilən yarış iştirakçıların həm intellektual potensialını sınamaq, həm də komanda şəklində əməkdaşlıq bacarıqlarını inkişaf etdirmək imkanı yaradıb.
Yarışın yekununda ən yüksək nəticəni göstərən “Spider-Man” komandası qalib elan olunub.
